大家記唔記得,原來噚日(19/12)係《中英聯合聲明》簽訂35周年嘅日子,當年呢份《聲明》,除咗確定英國响1997年7月1日將香港主權歸還中華人民共和國之外,仲保障咗香港回歸之後,港人所享有嘅各項自由同權利。不過過去一段時間,裡裡外外一啲反華政客又借《聲明》大造文章,對香港內部事務指手畫腳,更企圖干預中國內政。阿史就真係想講一句,呢啲政客究竟有冇認真睇過《聲明》條文㗎!事實上,隨住1997年香港回歸中國,《中英聯合聲明》中所規定嘅同英方有關嘅權利和義務都已全部履行完畢,《聲明》裡面根本冇任何條款允許英國對香港行使任何權利、進行所謂監督「一國兩制」嘅實施情況;其他國家亦都冇任何法律依據、也沒有任何資格援引《聲明》對香港事務說三道四。

其實只要大家稍稍回想一下,就會睇清其實殖民時期嘅香港,港人所享有嘅權利同自由根本冇回歸之後咁多,冇乜所謂《人權法》,亦都冇聽過政府甚麼重大決定經常被司法覆核;當時嘅立法局議員全部係由港督委任,而港督就係由英國政府委派。所以話好多嘢睇番轉頭、以史為鑑有得比較,道理就會清晰好多。

所以阿史覺得,我哋每年12月19日紀念《中英聯合聲明》簽訂,亦都係紀念香港曾經個種不民主、不尊重人權、不自由時代嘅結束。

原圖取自新華社。