講起鄧小平其人，其中一個令大家印象深刻嘅，就係佢煙癮好大，不過呢個唔健康嘅生活習慣，曾經好幾次成為鄧小平喺一啲外交場合活躍氣氛嘅話題，阿史今日就同大家分享幾則鄧小平嘅「香煙幽默」。

話說喺1979年，中美兩國建交之後無幾耐，鄧小平訪問美國，同時任美國總統卡特會面，鄧小平當時笑住問卡特：「美國國會有沒有通過一條會談中禁止吸煙的法律？」卡特回答「冇，只要我任總統，就唔會通過咁樣嘅法律」（因為卡特嘅家鄉就出場煙草）。鄧小平聽完之後都笑，跟住就攞咗支煙出嚟吸。

1980 年8月，鄧小平會見美國共和黨副總統候選人老布殊。當布殊首先轉達對鄧小平夫人卓琳嘅問候時，鄧小平話：「謝謝，她身體不如我好」。布殊就問，佢都同你一樣食煙嗎？鄧小平回答：「佢根本唔食煙，所以身體不好」。在場人士聽完都笑起上嚟，氣氛亦都因此而活躍。

1986 年9月，鄧小平喺中南海接受美國哥倫比亞廣播公司記者邁克·華萊士專訪嘅時候，一如往常咁攞咗支煙出嚟，當時華萊士都要咗一支，認真一睇發覺有啲「唔妥」，原來「濾咀仲長過支煙」。呢個「新發現」就令鄧小平大為得意，向華萊士解釋：「這是專門對付我的」。原來，鄧小平知道食煙唔好，於是就欣然接受家人畀自己嘅「限制」——濾咀長過煙。

雖然鄧小平煙齡好長，不過到佢辭任中央軍委主席一職之後，最終都憑住堅韌不拔嘅毅力，逐漸戒煙成功。

原圖取自人民網。