聖誕節唔少人都會一家大細出去睇燈飾，而呢張相係中環舊時第三代滙豐銀行總行掛上聖誕裝飾嘅相，而現時嘅滙豐銀行總行屬於第四代。第三代滙豐銀行總行响1935年啟用，樓高70米，一共13層，係當時遠東最大嘅建築物。後來因為地方唔夠用，於是响1981年開始重建；1985年第四代總行落成。

而家睇返，早年嘅聖誕裝飾已經相當奪目，好有氣氛。