今晚就係除夕夜，旅發局早前決定取消維港煙花匯演，改以升級版「幻彩詠香江」代替。講起「幻彩詠香江」，係由2004年開始喺維港舉行，利用探射燈、激光、LED燈等燈光效果，配合音樂匯演，為市民同旅客帶嚟歡樂。不過大家又知唔知，原來喺2005年，「幻彩詠香江」更被列入健力士世界紀錄，成為全球「最大型燈光音樂匯演」。

其後「幻彩詠香江」經過多次更新，規模越來越大，時至今日，已有超過40座摩天大廈同地標參與，包括香港會議展覽中心、政府總部、滙豐銀行總行、中銀大廈、IFC一期二期、中環廣場、長江集團中心等等。

原圖取自人民網。