周星馳電影可以話係香港電影界佔有好重要地位,基本上佢大部分作品都係膾炙人口,好多人仲成日背啲對白。要數到經典,《行運一條龍》應該係其中一套,單係「初四咁嘅樣」已經年年初四都會聽幾勻。

最近,執導呢套電影嘅李力持導演就重遊舊地,去咗「行運茶餐廳」嘆茶。其實,正如李大導所介紹,行運茶餐廳真正嘅名係叫做「鴻運冰廳餅店」,位於上海街。講到呢間冰廳,除咗美食外,最出名就係閣樓雅座同埋個條長長樓梯,呢種老牌冰室設計响香港已經買少見少。



如果史友們想體驗下老牌冰廳嘅氣氛,又或者想「回味」行運茶餐廳,不妨好似李大導咁去「行運」感受下。

 

原圖:香港導演李力持微信朋友圈