頭先阿史睇新聞，話匯豐銀行香港總部個隻銅獅子俾染色再畀火燒，嘩嘩嘩...真係...

幾年前阿史就已經寫帖提過，匯豐銀行香港總部嘅銅獅子相信無乜香港人唔識，咁幾兩隻守門獅子係幾時出現呢？答案就係1935年。其實呢兩隻獅子並唔係「香港限定」，而係將原本响上海總部門口個兩隻守門獅子複製過嚟，張開口個隻叫「史提芬」，另一隻叫「施迪」，史提芬呢個名係源自1920至24年香港總行總司理史提芬（A.G.Stephen），佢亦係鑄造兩隻銅獅子嘅倡議者；施迪呢個名就係來自當時上海分行經理施迪（G.H.Stitt）。

响1935年，第三代匯豐銀行香港總行大廈落成，就仿照上海總行擺兩隻銅獅守門口，成為咗匯豐銀行香港總行嘅一個標誌。之不過，呢兩隻銅獅响香港淪陷期間俾日軍運咗去日本，差啲俾人熔埋。好彩戰後被美軍發現，麥克亞瑟就命令將兩隻銅獅運返香港。

原圖嚟自中通社及無綫新聞