天氣一轉冷,响香港街頭就有唔少小販炒栗子,個陣味(炒嘢嘅燶味)真係隔幾條街都聞到。

阿史記得幾年前都介紹過呢款經典街頭小食,今次再同史友們溫故知新。炒栗子呢款美食,其實係源自於中國北方,而且歷史悠久。响古代已經係北方地區嘅美食,叫做灌糖香,因為炒栗子係會加入糖去炒,所以有呢個名。

另一方面,依家講到炒栗子都會提起天津甘栗呢個名,其實當中意思唔係指天津炒栗子特別好味,而係天津呢個地方係北方栗子其中一個主要集散地,仲出口去其他國家,所以天津甘栗就變得有名氣。好似响日漫《亂馬1/2》當中,就有一招叫火中天津甘栗拳嘅招式,唔知史友們有無印象呢?


原圖: 網絡