鄧小平獲選《時代週刊》年度風雲人物

1985年1月6日，美國《時代週刊》以中國國家領導人鄧小平作為年度風雲人物，原因係鄧小平响中國推行嘅新經濟政策，令到當時世上四份之一嘅人口生活得到改善，有助穩定世界局勢，並且會為世界上其他共產國家帶來深遠嘅影響。

鄧小平分別喺1978年同埋1985年獲選。唔計年度風雲人物，鄧小平仲曾經有9次登上過《時代週刊》嘅封面人物，《時代週刊》仲不惜用25頁紙嘅篇幅介紹鄧小平，真係認真威水。

講開又講，1923年創刊嘅《時代週刊》，佢嘅年度風雲人物歷史上只有少數中國人上榜，最早嘅就係蔣介石同宋美齡成為1937年獲選年度風雲人物，亦係首次有夫婦獲選。至於中國第一個《時代週刊》嘅封面人物，就係直系軍閥吳佩孚，因為當時（1924年）佢被其他國家視為最有機會統一中國嘅軍事強人。