頭先介紹咗《萬水千山總是情》呢套電視劇,呢套劇唔單止係阿姐汪明荃嘅代表作之一,亦同佢歌唱事業甚至個人演藝事業發展有好大關係。


當年呢套劇嘅主題曲《萬水千山總是情》,就係汪阿姐主唱,即使到今時今日,阿姐响唔同嘅演出都會唱呢首歌。而套劇嘅其中一首插曲《勇敢的中國人》,呢首由顧嘉煇作曲、黃霑填詞嘅插曲,放咗响劇情學生抗日運動嘅情節播出,全民抗日個種民族主義情緒爆晒燈。亦因為呢首歌,令汪明荃為當時大陸廣大同胞所認識,就令阿姐嘅名氣更上一層樓。


圖片嚟自網絡