繼早前大台嘅《兄弟幫》之後,資訊節目《文化廣場》同埋訪談節目《今日VIP》都陸續停播。唔講可能都未必記得,原來呢個節目已經播咗好多年。


先講下《文化廣場》,顧名思義係介紹香港文化藝術嘅節目,原來已經由1995年播到依家,上幾任主持張錦程、吳美珩、黃宇詩等,而嚟到最尾一任朱維德(朱翁)、章志文等,佢哋拍檔每個星期日早上陪住大家,一拍就已經二十年,朱翁今年仲已經89歲,真係唔容易。雖然呢類藝文節目未必人人啱睇,但如果間唔中可以認識到一啲文學、藝術,都不失為一件好事。


至於《今日VIP》就冇咁耐歷史,2009年啟播嘅娛樂訪談節目,由李浩林、吳家樂、崔建邦、梁嘉琪幾位做主持,專門就搵大台旗下嘅藝人做專訪,早前就已經結束錄影,最後一集就會响2020年1月10日播出,想睇嘅史友都仲有機會。


以前大台唔同類型節目乜都有,依家連文化類同訪談類節目都摺晒,真係只唔通迫人淨係睇師奶劇?


圖片嚟自網絡