今年係北京故宮建成600周年紀念,唔少人都話今年想去故宮參觀下。作為我國瑰寶嘅故宮,收藏咗唔少稀世珍寶之餘,仲留低咗唔少疑幻疑真嘅傳說同故事,其中一個就係話故宮內有隻石獅唔可以隨便摸。


嘩!講到咁得人驚,咁個傳說係點嘅呢?呢隻石獅所在位置,就係武英殿東側嘅斷虹橋,橋上一排第四嘅石獅,其中前足就擋住咗「重要位置」,而呢個咁奇怪嘅石獅背後就有一個傳說。相傳道光皇帝有個仔叫奕緯,道光對佢甚為重視。有一次奕緯教佢治國之道,但奕緯唔太認真學習,結果俾老師鬧,奕緯就講咗話如果佢做咗皇帝,第一個就殺咗佢(老師)。點知老師就咗去道光個度告狀,道光就打咗佢一餐,仲打中咗大腿之間嘅「重要位置」。唔知係因為太重手,無幾耐奕緯就死左。


後嚟有一次道光經過斷虹橋,發現橋上第四隻石獅擋住咗「重要位置」,道光就諗起奕緯呢個仔,於是下令用紅布將石獅蓋住。後嚟宮中就流傳話隻奕緯其實呢隻石獅轉世,自此呢隻唔摸得嘅石獅就成為咗宮中傳說之一喇!


講古還講古,响《清史稿》當中,關於奕緯嘅死只係話佢係病故,而無交代係中咗要害而身亡。至於呢個傳說其實係來自一本叫《老太監的回憶》嘅書,當中內容有幾多真幾多假,史友們自己衡量下。


圖片嚟自網絡