阿史以前响港島返工嘅時候,經常都行過中環嘅戲院里,依家嘅戲院里名乎其實就係一條商業街,沿途都係寫字樓、時裝店同埋珠寶店,但原來以前戲院里真係有戲院。


戲院里嘅命名係源自1910年代第一間喺呢條街落成嘅戲院,叫做「香港影畫戲院」,但做咗十年多啲就正式結業。戰前嘅戲院里,其實都已經係一個相當繁盛嘅商業中心,當時就有兩間戲院開咗喺度,分別係1924年落成嘅第一代嘅皇后戲院同埋1931年落成嘅前娛樂戲院,由於以前真係冇乜娛樂,就連港督都會去戲院里睇戲。


皇后戲院响戰時就被日軍改做明治劇場,戰後重開運作到1958年就因為重建問題而停業,直至1961年先搬到陸海通大廈,一直營業到2007年。至於前娛樂戲院,後來都需要拆卸重建,响1964年先重新開業,改建後嘅前娛樂戲院係當時一流嘅戲院。


講開又講,有戲院嘅戲院里,最多嘅其實唔係戲院,反而係珠寶行,全盛時期有成六十間,可能改做「珠寶里」會比較符合現實。


圖片嚟自網絡