响舊年,中環就出現咗個新嘅景點,就係中區警署建築群,亦即係大家叫慣嘅「大館」喇!由域多利監獄、前中央裁判司署以及前中區警署組成,以往係重門深鎖嘅政府機關,今日搖身一變就成為集古蹟、藝術於一身嘅藝文好去處。


如果史友們以為「大館」命名原因係因為面積大,咁就估錯喇!其實自1880年代起,香港唔少報章開始將呢個中區警署建築群稱為「大館」。雖然「大館」佔地面積真係幾大,但真正原因係因為呢間1864年落成、位處荷李活道嘅警署其實係警察總部,統領各區嘅警務,權力最「大」就係佢,所以就叫做「大館」喇!後來9間港島警署都被納入警署編號制度,亦只有「大館」唔受呢點限制。嘩!名副其實係「大館」呀!


圖片嚟自網絡