前兩日阿史就同大家介紹過梁蘇記遮廠嘅前世今生，梁蘇記百年之間起起伏伏，正因為呢個品牌盛載住好多香港人嘅回憶，喺1995年就畀杜國威改編成電影同埋舞台劇，個名就叫做《人間有情》。


杜國威當年就搵埋高志森，根據梁蘇記嘅歷史拍番成個故事，仲模仿埋「阿甘正傳」果種穿插式紀錄片鏡頭嘅手法，既講小市民日常生活嘅喜與哀，又有戰亂、日本侵華嘅歷史元素，用咁樣嘅方法帶出梁蘇記嘅百年興衰同埋人情嘅重，梁蘇記遮廠太子爺梁天賜同炮仗廠老闆個女陳盈嘅愛情故事仲經典到仲做埋學校嘅教材，認真犀利。


圖片嚟自網絡