後生嘅史友未必有咁嘅回憶,但如果係生活喺八九十年代,電話未盛行之前,Call機就係一樣好普及嘅通訊工具。


BB機其實都有幾代,80年代嘅BB機最先只係可以一部純粹發出到「BB」聲,用家只可以通過聲響知道有人打畀你,但就要親自打上call台先知道內容同埋覆到機。


過多幾年,第二代嘅Call機出現,呢次就可以顯示到數字。有數字玩法就即時唔同晒,電話公司就最先為一啲常用姓氏同埋詞語設定數字嘅代號,後來玩到成句句子都會有代號,「6789」、「629」、「143」、「640」,各位史友們仲記唔記得呢?


之不過,呢個玩法隨全中文機嘅出現同普及,都慢慢被取代,當年覆信息其實都可以好好玩。


圖片嚟自網絡