一毛不拔梁新記，估下賣啲乜？

早幾日阿史就同大家介紹過全人手造嘅梁蘇記雨遮，由於梁蘇記係响廣州開鋪，有唔少商家都將自己嘅產品放入去賣，當時就有一間自稱「一毛不拔」嘅梁新記放自家產品入去賣，仲有唔少人誤會果件產品係梁蘇記整嘅，各位史友又有冇頭緒呢？

係時候開估喇，粱新記其實係做豬鬃毛牙刷起家，佢哋唔單止成為廣州最知名嘅牙刷品牌，仲帶動「一毛不拔」呢個詞語嘅運用。「一毛不拔」點睇都係形容人，但當時响廣州，提起呢個詞大家都會諗起呢個用好多次都唔目毛嘅牙刷品牌。

梁新記係由梁日新1909年响佛山創立，佢整嘅牙刷由開牛骨去到綁豬鬃都係一手一腳自己做，一開始亦都只係做小販，但就憑住「一毛不拔梁新記牙刷」、「脫毛包換」呢兩個口號，紅遍佛山，最後仲去埋當時嘅省城廣州開鋪，連30年代嘅美人魚楊秀瓊都幫佢哋賣過廣告。