以往上中史堂讀交通史個陣,就不時會讀到出西域嘅時候要經過蔥嶺,唔知史友們嘅老師有無講下呢個地方呢?

蔥嶺其實就係今日嘅帕米爾高原,係亞洲多個主要山脈嘅匯集處,平均海拔4000米至7700米。今時今日呢個地區橫跨咗塔吉克、中國、阿富汗等國。响古代,呢個地方係絲綢之路其中一個路段。咁點解叫做蔥嶺呢?原來真係同蔥有關。據講當時呢個高海拔地區野生咗好多蔥,唔少仲生响山崖之上,商人路經時見到一片清蔥翠綠,於是就叫做蔥嶺喇!

直至唐朝,呢個地區就改名做帕米爾高原,因為當時波斯帝國控制咗呢個地區,而佢哋發現蔥嶺頂端一帶其實好平坦,於是改名為帕米爾,波斯話有「平坦」嘅意思。


圖片嚟自網絡