大白兔牛奶糖相信係唔少香港人嘅童年回憶,呢粒長3cm、糯米紙包裝嘅奶白色糖,唔單止出現過响電影《三峽好人》、《山楂樹之戀》入面,仲有幾單不為人知嘅趣聞。


曾經係米奇老鼠包裝?


大白兔牛奶糖前身其實係「ABC米老鼠」奶糖,據聞係因為創辦人馮伯鏞試過英國嘅牛奶糖之後,就想中國人都有得食,最重要係補充到營養,當時就流行一句「七粒大白兔奶糖能泡一杯牛奶」。而馮伯鏞係上海人,當時上海小朋友都睇緊米奇老鼠呢套卡通,於是就直頭用紅色米奇老鼠蠟紙包裝,仲改埋名叫做「ABC米老鼠」奶糖。之不過,呢間廠後來國有化,由「ABC糖果廠」改名叫做「愛民糖果廠」,而隻奶糖都改埋做「大白兔奶糖」。


曾經做過國禮?


1972年美國總統尼克遜到訪中國嘅時候,周恩來總理就將白兔糖當國禮咁送畀對方,蘇聯領導人赫魯曉夫、布里茲涅夫都有收過。


曾經有錢都買唔到?


早年大白兔糖嘅產量唔高,加上行計劃經濟,一日只係生產兩噸嘅奶糖,要統上交上去再重新分配,大白兔糖就被歸類做奢侈品,有錢都買唔到。


糖紙貴過粒糖?


糖紙唔單止貴過一粒糖,仲可以貴過一堆糖。呢款糖隔幾年就轉一次包裝,令到好多舊包裝都絕版,愈舊對收藏家嚟講就更加值錢。


圖片嚟自網絡