前排阿史就同大家介紹過上一代茶記必有嘅飲品和尚跳海,見各位史友都幾有興趣,今次阿史就直頭考下大家茶記術語,到底「加色」、「甩色」、「涼茶」同埋「辣咀」點解呢?
「加色」
相信呢四個茶記術語對史友嚟講都唔會太難,最簡單就當然係「加色」,通常茶記嘅粉麵都唔會太重味,如果想加番啲味道,呢個時候就要叫「加色」,即係加豉油咁解。
「甩色」
雖然加色係加鼓油咁解,但「甩色」就絕對唔係走鼓油,而是一種飲品。史友們試諗下,如果檸檬茶冇咗色會變成點?咪會變成檸檬水囉!
「涼茶」
呢度嘅「涼茶」就唔係涼茶鋪入面果啲廿四味,凍即係涼,而凍嘅叫法就係「茶」,所以「涼茶」就即係凍奶茶。
「辣咀」
呢個術語就真係要大家動下腦筋,有咩飲品係要辣咀先至好飲?答案就係熱奶茶,一杯靚嘅奶茶講求溫度,要由第一啖到最尾果啖都熱辣辣,先會飲得出茶嘅香、奶嘅滑。
圖片嚟自網絡
評論:
共0 條評論