若然要追溯香港開埠嘅第一頁,大概就要數到去1841年1月20日,早喺1840年11月,第一次鴉片戰爭爆發冇幾耐,道光就主動派出滿清大臣琦善就到廣州同英國英國駐華商務總監及英國海軍上將(查理·義律爵士)談判議和,但談判冇乜起色,1841年1月7日義律仲派出英軍佔領埋虎門炮台外圍嘅沙角炮台。別無他選之下,琦善就只好同義律繼續談判,義律想要嘅係廣州沙角嘅土地,但如果畀道光知道沙角淪陷,琦善分分鐘人頭不保。於是,琦善就寄信畀義律,話准佢哋响香港泊舟寄居,再加賠款同關稅嚟換番沙角。


可惜琦善冇講清楚「香港」係指港島西南一角,而唔係成個香港島,結果就喺當年今日接受義律還番嚟嘅議和條件,仲擬定埋「穿鼻草約」,埋下香港開埠嘅伏線。


圖片嚟自網絡