愛德華八世登基

最近英國皇室成員哈利同佢老婆因為想脫離皇室而搞到滿成風雨，其實响上世紀三十年代都有英國皇室因為自己嘅事搞到好大鑊，呢個人就係愛德華八世。

愛德華八世响1936年1月20日，即係84年前嘅今日登基，正式成為英皇。不過，呢位英皇在位唔夠一年就退位，原因係佢想迎娶離過婚嘅辛普森夫人做老婆，但就受到英國皇室同國會強烈反對。最終，愛德華八世決定放棄皇位，响1936年12月宣告退位，亦令佢成為在位時間最短嘅英皇。

後嚟佢响1937年迎娶咗呢位辛普森夫人做老婆，成為咗「不愛江山愛美人」嘅經典故事。