賀歲盃 球星新晉齊慶賀

話咁快又到新年，响香港農曆年其中一個節目就係入場睇賀歲盃，不過今年賀歲盃戲碼弱得緊要，只係港聯對港隊，仲要有啲大球會唔放人，真係....

關於賀歲杯嘅歷史阿史都曾經介紹過，賀歲波係上世紀五十年代開始嘅足球盛事，八十年代開始引入商業贊助，結果搞得有聲有色。特別係「可能係世界上最好嘅啤酒」贊助之下，因為公司關係有錢有面請到歐洲一線國家隊嚟獻技賀歲，所以响八九十年代賀歲盃絕對係城中盛事。

回想返昔日賀歲杯盛況，真係覺得好正，唔單止各隊水平高，而且仲有好多著名球星同潛質新星响大球場踢波，出名嘅球星就有朗拿甸奴、卡路士、羅賓奴、史杜高域、史岱哲哥夫、三浦知良，至於舒米高、米積杜域、高華斯域等當年仲係球壇新星就嚟香港踢賀歲杯，你都咪話唔巴閉。