Nokia 3310 防彈防火防坦克？

話說尋日秘書又跌爛咗部電話，成個Mon碎晒睇到阿史都覺得肉赤。電話個Mon咁大，自然就好易跌爛，呢個時候史友們應該都會諗起我哋都擁有過一部最堅固耐用嘅電話—Nokia 3310。

呢部並唔係單純一部電話，上得「神檯」就真係有幾單威水史可以同史友們講下。Nokia 3310硬淨就係人都知，但到底去到咩程度呢？外國就有人做咗測試，最簡單一樣就係由900呎高空放開呢部電話，只係外殼同個Mon花咗少少。3310防彈就係真人真事，先後喺西亞國定同埋敘利亞幫過軍人擋過子彈；再進一步用燒紅咗嘅鎳球放到3310上面，接近一千度嘅鎳球原來係燒唔穿手機機身。咁史友們可能會問，點樣防埋坦克？

科技產品測試網站Tech Assasin就曾經將3310放到坦克車前面，畀成架坦克車過之後，3310嘅機身仲係完整。史上最硬淨嘅機身，佢認第二都應該冇邊部機敢認第一。