由細到大,無論喺學校定屋企,過年之前都會聽到一句「年廿八洗邋遢,若然唔洗豈會發」。阿史諗咗好多年,點解年廿八一定要洗邋遢,又要點樣洗先叫啱呢?


年廿八,即係農曆十二月二十八日(今日),相傳古時嘅人不幸感染瘟疫,死傷無數,誤打誤撞之下就發現用碌柚葉沖涼反而會冇事,於是其他古人都爭相仿傚,慢慢就形成一個習俗。至於點解要今日洗邋遢?咁就同廣東人一啲觀念有關,就嚟到新年,正所謂「財不入污門」,加上廿八同「易發」諧音上相似,就索性新年前嘅呢一日洗埋。


「洗邋遢」其實都冇乜技巧,只需要去街市買定碌柚葉煲水,跟住將同一盤水由頭淋到腳就可以,亦都可以用嚟清潔屋企。


圖片嚟自網絡