今日係大年初一,新一年嘅第一日,當然係要食翻啲賀年食品應下節,而講到傳統家家戶戶都會見到嘅糕點,一定會有年糕、蘿蔔糕。唔講唔知,原來過年食糕呢個習俗周代就已經開始,寓意住新一年可以年年「高」昇,而且食住甜嘅食物過年,都會幸福一啲。


零食方面糖蓮子、糖冬瓜同埋糖蓮藕都係好好嘅選擇,呢三樣甜食本來就係全盒八甜之中,其餘就有糖柑桔、糖椰絲、糖椰角、糖馬蹄及糖甘筍,蓮子就當然係連生貴子、椰子就有爺有子,全部都係美好願景,只係今時今日大家未必會放齊八樣。


而講到阿史最鍾意,就一定係芋蝦,只係今時今日要搵到好食嘅芋蝦,真係唔容易啊!


圖片嚟自網絡