赤口點解唔拜年？原來同老鼠結婚有關

今日係赤口，相信唔少史友今日都唔會去拜年，反而會去車公廟行過大運。赤口唔拜年真係由細到大嘅習俗，但原來呢個習俗係同老鼠結婚有關？

年初三係赤口，亦即係「赤狗日」，赤即係貧窮，而「赤狗」就係「熛怒之神」，出門犯到佢唔單止會有口舌之爭，仲會令到你招來窮困，以往老一輩如果呢一日要出街，都會帶定一道「化口舌符」。

唔講唔知，原來呢日仲係同老鼠結婚有關。相傳正月初三嘅晚上，就係「老鼠娶親」日，老一輩呢一日都會响屋企角落放啲定啲鹽碎米碎，寓意新一年同老鼠分錢，打好交道，來年就唔會有鼠害咁話。