天津飯同天津有無關？

有睇過《龍珠》嘅史友，都會知道裡面有一個武術家叫天津飯，而佢同門師弟就叫餃子。相信唔少史友都知道，天津飯其實係日本中華料理當中一款經典菜式。唔知大家同阿史一樣聽到呢個名有一個諗法，就係天津飯到底同天津有乜關係？

天津飯係一款打個湯芡嘅蛋包飯，不過，其實响天津根本就無呢款菜式，簡單而言就真係日本本土嘅中華料理。咁又關天津乜事呢？講法有兩個，一個講法係話天津飯發明者叫馬蓮慧，佢係一名來自天津嘅廚師，所以呢個飯就叫天津飯。另一個講法就係天津飯其中一種食材蟹肉，係來自天津，所以個飯就叫天津飯喇！

但每當提起天津飯，香港人可能都係會先諗起氣功炮。