幾日之前被CNN評為香港四大奶茶王之一嘅德如餐廳就正式結業，而喺佢最後一日營業，合乎預期咁排晒長龍。有史友就問，其餘三大奶茶王到底係邊幾間，阿史今次就答一答呢個問題。


香港人對奶茶真係好沉迷，之前有個統計就話每日香港人都會飲到250萬杯奶茶，真係誇張。而呢款起源於十九世紀嘅絲襪奶茶，主要係用錫蘭紅茶沖出嚟，評得做茶王，個茶底當然有翻咁上下。


唔計德如茶餐廳，另外三間分別係用六種茶葉沖奶茶嘅大發餐廳，淡口得嚟又易入口；口感細滑嘅蘭芳園同埋茶味濃郁嘅炳記茶檔，史友們又有冇試勻？


原圖嚟自網絡