話說呢排响屋企冇乜野做,阿史就諗翻起好多小學雞果陣玩嘅遊戲,除咗上次提到嘅天下太平,呢款「東南西北」當年都好流行。同樣都只係需要一張紙同一枝筆,只是仲要你識得摺先可以玩。「東南西北」嘅玩法其實唔算複雜,摺好庚後都係按方向寫上東、南、西同北,然後就係戲肉,每位同學都會响紙嘅內側寫上一啲奇怪嘅懲罰同埋遭遇,例如做「做掌上壓」、「落操場跑圈」、「同邊個表白」之類,相當刺激。玩嘅人先揀好東西南北其中一方,再決定步數,最後當然係睇下開咩懲罰,花生指數都幾高下。


講開又講,每個人叫「東南西北」嘅口訣都有唔同,史友們仲記唔記得自己班frd係點叫?


原圖嚟自網絡