八仙嶺山火，導致五死十三傷

1996年2月10日，大埔八仙嶺發生三級山火，導致香港中國婦女會馮堯敬紀念中學3名學生及2名老師死亡，事件中仲有13名學生受傷。呢一日原本係學校嘅遠足活動，由五名老師帶領由漁農處船灣郊野公園遊客中心出發，經過八仙嶺，以粉嶺鶴藪作為目的地。

當年嘅今日，相對濕度只有31%，天文台亦都發出咗紅色火災危險警告訊號。出發咗冇幾耐嘅11點20，隊伍後排嘅學生就發現距離仙姑峰150米出現山火，而且不斷向山上蔓延，封咗落山嘅路，只有一批32人成功走到，另外18人被山火圍困之下只好跑到山上逃生。

當時消防處聯同漁農處、民安隊响12點23分就派出咗200人進行搜救，大火焚燒咗40個鐘先至被救熄。事件中，兩位老師為咗拯救學生而犧牲自己，同時都有三名學生死亡，係香港開埠以來最嚴重嘅山火。