去坪洲可以求姻緣？

情人節又到喇！唔知史友們有無約呢？如果仲係一個人又唔知有無去求下姻緣呢？如果史友們想做呢樣嘢，阿史就可以介紹大家去一個地方，個度就係坪洲喇！

去坪洲求姻緣咁即係去邊度呢？就係要去金花廟喇！金花廟供奉嘅係金花娘娘，相傳金花娘娘係唐朝之前一武將之女，經常行俠仗義，劫富濟貧，後嚟俾官府追捕，跑咗去深山一個山洞度避避，佢爸爸之後上山搵女，去到個山洞就見到個女已化成一舊人形化石，後嚟受過佢恩惠嘅人得知情況後就去山洞拜呢舊化石，金花娘娘就成為民間傳說中嘅救世神明。

坪洲金花廟建於清朝乾隆年間，當地居民對金花廟相當重視。至於求姻緣點解要去金花廟呢？相傳金花娘娘係專門負責姻緣、求子嘅神明，而响坪洲金花廟度，就有一對聯寫著「求子求孫有求必應，願男願女無願不成」，呢對對聯係一名善信送上，似乎應該係有求而金花娘娘，願望達成後以謝神恩。所以，仲係單身嘅史友，不妨入坪洲一趟。