2010年2月16日,有亞洲第一中鋒之稱嘅足球運動員尹志強,因身體機能衰退不治逝世,享年53歲。呢位七、八十年代著名嘅香港足球員,七歲開始就接觸足球,出身於卜公青年軍,年紀輕輕就代表香港出戰亞少盃。而佢正式展開佢嘅足球生涯,係去到18歲果陣加入南華足球隊。而除咗南華,佢仲踢過精工同埋麗新花花等球會,當然佢都係香港隊嘅主力成員啦!


尹志強「尹佬」由於身型高大,強大衝刺力、頂上功夫出色,司職中鋒,成功幫南華拎到(1975-78年度)香港甲組聯賽3連冠,自己亦都喺1978年至1980年連續三年入選「香港足球最佳11人」,而最重要係,佢喺幾次嘅世界盃外圍賽都有出色嘅表現,令到佢贏得「亞洲第一中鋒」美譽。1989年,尹佬宣佈掛靴,之後就專注响演藝界及商界發展兀1演過唔少經典電視劇同電影。1992年,尹佬患上鼻咽癌,經過多年治療後已經好番,但去到2010嘅今日,佢就因為身體機能衰退不治逝世,當年呢個消息真係太突然,嚇親唔少人。


原圖嚟自網絡