1997年2月19日,前國家領導人鄧小平逝世。鄧小平呢位中國政治家一生傳奇,佢政治生涯中嘅「三落三起」,更為後世人不斷提及同討論。


出身於四川嘅鄧小平,年輕時代已經加入中國共產黨。1933年,受當時中共黨內左傾路線主持者影響,鄧小平等人被批評為「江西羅明路線」領袖,鄧小平被撤銷中共江西省委宣傳部長之職。但在遵義會議後,鄧小平去咗紅一軍團,先後任軍團政治部宣傳部長、政治部副主任、主任、前敵總指揮部政治部副主任,係佢政治生涯第一次「落」同「起」。


中華人民共和國成立後,佢响1954年出任國務院副總理,1956年改任中共中央政治局常委、中央書記處總書記。但响1966年,文化大革命爆發,鄧小平一家成為紅衛兵批鬥對象。1968年10月,中共八屆十二中全會上,劉少奇被永遠開除出黨,鄧小平則由於毛澤東出面干預,保留咗黨籍,後嚟鄧小平被調到江西,離開北京權力核心。1973年,鄧小平出任副總理,負責外交事務,及後被任命為中國共產黨中央軍事委員會副主席,再次進入領導核心,亦係佢政治生涯第二次「落」同「起」。


1976年1月,周恩來逝世,民眾開始追悼周總理,更出現「擁鄧」嘅風潮。四人幫認為所有事件背後係由鄧小平策劃,最終鄧小平再一次被撤銷黨內外一切職務。直至1977年7月,十屆三中全會通過《關於恢復鄧小平同志職務的決議》決定恢復鄧中共中央副主席、政治局常務委員、國務院副總理、中共中央軍委副主席、解放軍總參謀長之職亦係佢政治生涯第三次「落」同「起」。


原圖嚟自網絡