1972年2月20日,建造歷時兩年幾嘅紅磡海底隧道舉行貫通儀式,意味住港九兩岸正式連接。紅隧响1969年9月1日正式興建,當年斥資3.2億元,係第一條連貫香港島同埋九龍嘅過海行車隧道,亦係香港以至世界最繁忙嘅行車隧道之一。


連接港島同埋九龍嘅呢個構想最初可以追溯到1921年,但當時並唔係諗住起隧道,而係諗住用一條維港大橋。但後來1948年發表嘅《亞拔高比報告》入面就提到以海底隧道形式紓緩交通,本來鍾士元1965年提出過六線行車,但因為成本關係,只可以興建四線。計劃去到1969年9月1日動工, 1972年8月2日完成平整工程先正式通車。


而當年今日,紅磡海底隧道就完成咗貫通工程,有大批本地名流就好似商人祈德尊、利國偉及利銘澤喺紅隧入面參加酒會,慶祝呢項創舉。


原圖嚟自網絡