尋日阿史就介紹到按前港督麥理浩遺孀鄧麗娉命名嘅麥理浩夫人度假村，今日就想講講廣彩瓷器入面嘅一個因麥理浩夫人而出現嘅花樣—「督花」。

 

廣彩瓷器最初係屬於外銷嘅產物，有外國元素响上面就當然好合理，但到底點解會直頭有隻花紋同麥理浩夫人有關？

 

原來當年廣彩圖案上面嘅花紋受到唔少外國人歡迎，部分仲鍾意到專登訂製自然想要嘅花，而當年1975年港督麥理浩夫人就曾經去過一間本地磁廠，佢當時拎住一隻破爛嘅古董青花瓷器，並且希望按照以上嘅圖案訂造一套新餐具。因為鄧麗娉係港督夫人，所以呢隻花亦都被叫做「督花」。

 

講開又講，「督花」係一種土耳其幾何嘅花紋，最初嘅時候就只有藍色，但後來唔少本地高級酒店開始用上紅色，再經過日本媒體嘅廣泛報導，就令到紅色嘅「督花」廣泛起嚟。

 

原圖嚟自網絡