卜公花園有塊牌 記錄1894年太平山街一場瘟疫

尋日阿史就同史友們介紹到一艘海上嘅隔離船「海之家」，呢艘船最初係用嚟隔離天花病人，但就因為太平山街一帶嘅鼠疫爆發太過嚴重，於是就直頭用嚟收容患有鼠疫嘅患者。而講到19世紀嘅太平山街，其實已經被大規模清拆晒，關於呢件事卜公花園就有塊牌記錄住。

喺香港開埠初期，英軍就駐軍响大笪地，由於早期需要大量勞動力填海同埋起樓，就引嚟唔少人聚居响附近太平山街一帶。但問題就嚟，由於人口太過密集，再加上當時嘅人係會响屋入面養埋禽畜，室內嘅衛生環境相當惡劣。

去到1894年嘅5年，太平山街就爆發咗一場名為黑死病嘅鼠疫，患者最初係會發高燒同埋喉嚨痛，後來就會淋巴腺會腫脹，由於缺乏醫學上嘅技術同知識，當年嘅鼠疫死咗二千幾人，死亡率高達65%。當時港府就好快封閉太平山街民居，隔離染病嘅華人，「清洗太平地」之餘，仲立例收番太平山街土地。