尋日就同史友們講到幾項前港督麥理浩喺任內推行嘅大型建設，其中一樣大家一定會記得嘅當然就係《郊野公園條例》，亦都係因為呢條條例嘅出現，令到今時今日香港有21個郊野公園畀大家休憩，而當中最出名嘅一條山徑當然就係麥理浩徑。


呢條最早啟用、全長100公里嘅長途遠足徑係1979年10月26日開幕，2016年被國家地理頻道嚴選為全球二十條最佳行山徑之一，而呢條徑嘅命名並唔係麥理浩要求，反而係來自漁護署內部嘅決定。由於麥理浩本人係熱愛郊野，好鍾意行山，喺佢任內就推動咗1976年《郊野公園條例》，之後果幾年漁農處劃定多個郊野公園。而喺劃完範圍之後，漁護署內部就為咗多謝呢位時任港督嘅大力支持，就決定用麥理浩命名呢條由西貢北潭涌去到屯門嘅山徑。唔經唔覺，原來呢條山徑已經啟用咗就嚟四十一年喇。


原圖嚟自網絡