紫禁城點樣防火？

尋日介紹咗香港消防嘅歷史，阿史就想講多啲防火嘅歷史，不過介紹嘅就唔係香港，而係北京紫禁城。呢座有600年歷史嘅建築物，建築物多佔地又大。咁大嘅木建築群到底係點做到防火呢？

其實响以往嘅紫禁城，一直注重防火。咁到底有乜辦法呢？首先每年都要做到「冬鑿冰、夏注水、春除草、秋清葉」，簡單而言就係既儲定啲水，又將啲會啲會助燃嘅野草同枯葉清隊。另外，紫禁城各區域放咗大量鐵、銅、鎏金銅大缸，每口缸大約儲水3000公升，滿滿嘅儲水缸就成為紫禁城防火嘅重要措施。

而响清代，紫禁城就出現咗一種叫激筒嘅救火工具，呢種由西方傳教士設計嘅救火工具，原理係類似今時今日嘅消火喉，利用人力揼水加大水壓，然後射响火種位置。