1999年2月28日,有「文壇世紀老人」之稱嘅冰心因病不治,喺北京與世長辭,享年99歲。原名謝婉瑩嘅冰心係中國現代女作家,出生喺一個開明家庭嘅佢,早年就入讀咗貝滿女子中學,喺五四運動爆發嘅時候,佢就勇於以新文學嘅形式發表白話文嘅小說同埋散文,當時就已經引起好大嘅迴響。後來佢就由燕京大學畢業去到美國留學,攻讀英國文學,輾轉之下重新返到母校教書、仲同吳文藻博士結埋婚,後來佢就到過清華大學同埋東京大學執教。


冰心教書之餘,都有一直堅持寫作,佢除咗繼續結集《寄小讀者》分享佢嘅旅途同異邦見聞,最經典嘅作品當然就有《關於女人》、《我們把春天吵醒了》、《櫻花贊》。至於《空巢》、《萬般皆上品》、《關於男人》呢幾部被譽為係佢文學生涯另一個高峰嘅作品,就係佢85歲至93歲之間所寫。「文壇世紀老人」呢個稱號除咗係指佢嘅年紀,亦都係代表住文壇對佢嘅尊敬。


原圖嚟自網絡