前幾日嘅財政預算案就宣佈，會向每位年滿十八歲嘅香港市民派發10,000蚊嘅港幣，當中預計會涉及710億。除咗上年關愛基金嘅四千蚊，對上果次派錢就已經要數到2011年，當年都係向年滿18歲嘅香港市民派發一次性嘅6,000蚊，而呢個方法係參照2008-2009年財政年度向強積金戶口注入6,000蚊。


2011年嘅呢次派錢，其實算係香港開埠以嚟嘅第一次，由2011年8月28日至2012年12月31日，用咗年幾時間分兩個階段派發，最尾就有612萬市民成功登記，合共派發咗370億。不過咁，當時嘅財爺本身並唔係諗住直接過水，而係入落市民嘅MPF戶口，結果俾人係咁鬧，最終財爺後知後覺地派現金。


原圖嚟自網絡