依家大家一開水喉就有自來水供應，現時香港有足夠淡水供生活市民使用，其實由內地輸港嘅東江水多年嚟發揮重要嘅作用。响1965年3月1日，即55年前今日，東江水正式輸港。


响五六十年代，隨著香港社會發展同人口急劇增加，當時港府就諗辦法解決都市供水問題，一方面起水塘，另一方面就尋求內地政府幫手。早响1960年，香港已同廣東省政府達成協議，每年從深圳水庫供水到香港。不過，供水規模唔大，加上1962年至1963年香港出現旱災，為咗解決香港食水供應問題，港府就同廣東省當局開始傾長期供水協議，最終1964年4月兩地政府簽訂協定，東江水於1965年3月1日開始正式輸港。東江水供水，大大紓緩咗香港水資源不足嘅問題。


原圖嚟自網絡