由正方形變做六角星形 波子棋記唔記得點玩

呢排唔少史友應該都冇乜點出門，留喺屋企冇嘢做就當然會想重拾童年玩意，唔知呢款波子棋大家仲記唔記得點玩呢？

波子棋以前又叫做跳棋，由美國人George Howard Monks喺1883年到1884年發明。呢款跳棋由於係正方形，最初只係畀到2個或者4個人一齊玩，規則都係最快跳到對角就當赢。後來就出現咗另一種棋盤，六角星形棋盤。呢個棋盤係喺1892由德國著名遊戲公司Ravensburger拎到專利，後來叫做中國跳棋，即係大家今日玩緊嘅波子棋前身。

呢個遊戲20世紀初開始流行，雖然叫做中國跳棋，但其實只係商業上嘅策略，同中國冇實際嘅關係。