繼提議用劍指加持口罩同埋睇《龍珠》之後，玄學家李居明幾日前就提議埋抄經都會幫到抗疫，佛教徒可以抄《心經》，而如果冇宗教信仰，《唐詩三百首》都冇問題，因為「唐」乃「庚」金，可以增強到肺功能話。見到大師都咁講，阿史當堂個心都定一定。

 

講返《唐詩三百首》，雖然話就話係唐詩選集，但真正編成嘅時候就要去到清朝，由蘅塘退士孫洙同埋佢夫人徐蘭英共同編著，1763年成書。後來再由上元女史陳婉俊同埋佢細佬陳晉蕃補注。

 

至於點解要係唐詩呢？原因係中國詩歌發展嘅黃金時期正正就係唐朝嘅二百九十年間，對當時嘅小朋友嚟講，呢啲詩歌就等同係啟蒙讀物，所以又有個序叫做「熟讀唐詩三百首，不會吟詩也會吟。」

 

講開又講，雖然係叫做《唐詩三百首》，但入面係收錄咗311首詩，分別由77首詩人創作，其中杜甫最多有39首，李白就有33首，王維就有29首。

 

原圖嚟自網絡