近幾年香港好流行食川菜，响香港嘅川菜館愈開愈多，特別係年輕人依家個個都幾食得辣。講到川菜唔少人都鍾意食口水雞，唔知史友們有無覺得呢道菜個名好怪，關口水乜事呢？原來真係有關係。


口水雞係傳統四川菜中嘅涼菜，以往當地人一般只係叫麻辣雞。至於幾時開始叫口水雞呢？其實係同一個名人有關，呢位仁兄就係中國近代文人郭沫若。佢响佢嘅詩詞《賟波曲》當中，就有對麻辣雞嘅描述：「少年時代在故鄉四川吃的白砍雞，白生生的肉塊，紅殷殷的油辣子海椒，現在想來還口水長流...」就係咁，呢味四川涼菜就咁俾人叫咗做口水雞喇！咁即係話，口水雞「口水」二字，可以當係郭沫若嘅口水.....


原圖嚟自網絡