响呢次對抗新冠肺炎疫情當中,中國工程院院士鍾南山成為咗內地防治嘅重要人物。最近,唔少中小學生都寫信俾佢,鍾南山收到咁多慰問同鼓勵,感動之餘仲親自回信,並寫低對青少年嘅寄語:「恰同學少年,願風華正茂,期投身杏林,更以行證道。」呢段寄語一出,唔少人馬上就知道當中兩句嚟來自於《沁園春‧長沙》。


《沁園春‧長沙》係毛澤東生前所作嘅詩詞,作於1925年。據了解,當時毛澤東從湖南省到廣州市主持廣州農民運動講習所,响長沙停留個陣就去咗橘子洲頭遊歷一番,睇見橘子洲頭嘅深秋景色,突然有感而發,回憶起學生時代响長沙求學嘅生活,於是寫咗呢這首詞。當中的「恰同學少年,風華正茂;書生意氣,揮斥方遒。指點江山,激揚文字,糞土當年萬戶侯。」就係佢回憶昔日同啲同學躊躇滿志,評論國家大事,指點江山,展現咗佢自己激情壯志同理想抱負。鍾南山嘅寄語「恰同學少年,願風華正茂」,應該係引用《沁園春‧長沙》呢兩句,以激勵中國嘅下一代。


原圖嚟自網絡