話說「鄉村教師代言人」馬雲早前向伊朗同日本捐贈咗一百萬個口罩之後，除咗大過詩癮喺微博上分享張九齡《送韋城李少府》入面嘅兩句「相知無遠近，萬里尚為鄰」，亦都有網友留意到最尾一句「心憂波斯小昭安好？」，到底呢句係點解呢？


如果史友你係金庸迷，應該大概估到當中嘅意思。馬雲係金庸迷，提到伊朗，佢就諗起「浪滔滔人渺渺，海天雲外，心憂波斯小昭安好」，當然係講緊《倚天屠龍記》入面嘅小昭，至於波斯其實就係伊朗喺古希臘語同拉丁語嘅古名。喺小說入面，小昭當年係跟隨咗波斯聖使去到明教嘅波斯總教做聖女，所以馬雲先至會咁問。


講起《倚天屠龍記》，就真係有生之年系列，唔知電影入面嘅張無忌幾時先去到大都搵趙敏呢？


原圖嚟自網絡