1977年3月12日,香港足球代表隊喺新加坡舉行嘅世界盃亞洲區外圍賽奪得小組冠軍,呢次係港隊第一次喺同類型嘅賽事奪冠。當年同香港角逐出線權嘅,有印尼、馬來西亞、泰國同埋新加坡。


喺小組賽嘅第一場,香港隊先係以4:1大勝當時嘅熱門球隊印尼,之後再同主辦國新加坡踢成2:2平手。再嚟就係以2:1擊敗泰國、1:1賽和馬來西亞。由於喺2勝2和嘅分組賽之下要決定出線,港隊最後一場就要同主辦國新加城再踢,喺最後一場嘅分組賽,以劉榮業接應鍾楚維左路傳球,再扭過一位對方守將勁射破網,最尾1:0嘅比數擊敗新加坡,出線亞太區五強嘅賽事。而當年香港隊返港嘅時候,係受到大批嘅球迷歡迎。


原圖嚟自網絡