上世紀五十年代，亞洲地區爆發咗一場戰爭，影響咗整個世界嘅局勢，呢場戰爭就係韓戰。1950年10月，中國組織中國人民志願軍，渡過鴨綠江投入韓戰。呢支入韓作戰嘅中國軍隊，名義上是志願軍，但實際上係正規軍隊，司令員為彭德懷。得到中國人民志願軍嘅協助，朝鮮軍隊成功抵禦以美國為首嘅聯合國部隊，奠定咗「三八分界」呢個基礎，最終戰爭雙方（即朝鮮民主主義人民共和國，以及大韓民國）於1953年响板門店正式簽署停戰協定。


1953年韓戰停戰後，中國人民志願軍繼續於朝鮮駐軍。直至1958年，周恩來總理訪問朝鮮，中朝雙方就撤軍問題發表聯合聲明。第一批中國人民志願軍於1958年3月15日，即62年前嘅今日正式撤回中國。當時撤軍行動分三批進行，一直到同年10月26日先全部撤出朝鮮。


原圖嚟自網絡