早幾日大家都好關注「神奇小子」曹星如到底能唔能夠爭取到奧運嘅資格,而結果或者就要等到五月嘅遺材賽先知。曹星如係香港第一位職業西洋拳拳擊手,而提起拳擊阿史就諗起一個人,第一位獲得職業拳擊世界級金腰帶嘅中國人,熊朝忠。


熊朝忠嘅故事似足漫畫入面嘅男主角,佢出生喺雲南嘅鄉村,父母都係農民,佢讀到高中就去咗煤礦入面做礦工,每日做十幾個鐘。而冇幾耐,佢嘅表哥就組織咗一班後生仔進行業餘拳擊訓練,熊朝忠都有份一齊。而由於長期營養不良,當時佢嘅身高就只有152cm。就喺2001年,佢正式展開佢嘅拳擊生涯。


而去到2006年,熊朝忠轉輾去到昆明做職業拳手,遇到前國國家隊拳擊運動員劉剛,喺佢指導之下繼續訓練,2008年先擊敗泰國選手龍猜·卡瑟,拎到WBC洲際拳王金腰帶,後來幾年嘅比賽都有輸有贏。


講到最經典,就當然係2012年同墨西哥拳手Javier Martinez Resendiz比賽,亦都係呢次,令佢成為WBC職業拳擊迷你輕量級冠軍,係歷史上第一位中國人拎到職業拳擊世界級金腰帶,同時,熊朝忠亦都係四大世界拳擊組織排名最高嘅現役中國職業拳手。


原圖嚟自網絡