當時係香港開埠初期，治安並唔理想，再加上警隊人手薄弱，唔少中外商人都自行請人做看更，由黃昏去到黎明就一共有五更，每更入面又會有五個點，報更就會敲竹筒，而報點就打銅鑼。「篤篤」、「撐撐」嘅聲唔多唔少都會警告到啲犯罪份子。不過，打更佬就曾經就因為一個英國軍官，差啲要消失。


當時有一位英國軍官叫做德忌笠，佢曾經係香港開埠初期英軍駐港嘅三軍司令，兼任副港督。話說呢位英國軍官本身就患有嚴重嘅失眠，再加上街上嘅打更聲，令到佢更加訓唔到。於是佢就趁港督戴維斯放假嘅時候，借署理港督嘅身份強行通過禁令，就係唔準夜晚打更。冇咗夜晚打更，就即係再冇人巡邏，唔少罪案亦都因而發生，但當時呢個決定就引起唔少華洋商人不滿，唔少報章都不斷批評。後嚟港督戴維斯為咗平息民憤，宣佈恢復打更制度，事件先得以平息。


原圖嚟自網絡